Update--09



Maya-- abb chalo mujhe ghar chhod do… kal mujhe time par lene aa jana phir ham kahi baith kar apni study karenge.… aur haan Aadi pahle ham imp q solve karenge to agar tumhare paas kuchh spcl ho to jarur lana okk… Maya ne bade pyar se mere haath par haath rakh kar ye baat kahi to mai Maya ki haan me haan mila kar chal pada apni jindgi ki sabse mahan bhool karne…mera mann balliyon uchhal raha tha aur bike par Maya ko sath liye mere mann gungunaa raha tha…



_____________





Maya ko uske ghar chhod kar mai apne ghar pahuncha … dimaag me lagataar Maya ki kahi gayi baatein ghoom rahi thi…kul mila kar Maya mere vajood par chhane lagi thi…uski baaton ka jaduyi asar sir chadhne laga tha…



kal ki meri pahli date ki liye mai kafi exited tha… itna jyada khush tha ki subah jab Anu jogging ke liye bulane aayi to mujhe laga ki mai time spoil karne naa jaun… bechari Anu muhh latka kar akele chali gayi but mai nahi gaya … mai Anu ko sad nahi dekh sakta par jaane kya ho gaya tha… ek naya silsila bhi shuru hua tha… mera aaina dekhne ka… Kal se kai baar sheesha dekh chuka tha… sath hi gunguna bhi raha tha…



Dhyaan Ab Apna Zyaada Rakhta Hoon
Sochta Hoon Main Kaisa Lagta Hoon
Aaina Ho To Dekh Leta Hoon
Kaise Yeh Chehra Aisa Khila Hai

Kuch To Hua Hai, Kuch Ho Gaya Hai

Kuch Ho Gaya Hai, Kya Ho Gaya Hai



Jaise taise mera din beeta… itna bada din kabhi nahi tha mera… mai apni pahli date ke liye pure dil se ready hua tha … aur haan questions lena nahi bhoola… time par jaa pahuncha mai Maya ke ghar ke samne… jab Maya gate kholne aayi to mai use dekhta hi rah gaya… wo peele rang ki dress me bahut pyaari lag rahi thi…mujhe ye to yakeen ho gaya tha ki Maya se sundar poori duniya me koi nahi hai…





Maya ne mujhe andar bulaya… mai jhijhkte huye andar gaya… bahut bada aur aalishaan ghar tha… naukar bhi the par ghar ka koi sadsya nahi dikh raha tha… mujhe tajjub hua… mujhse raha nahi gaya to maine poonchh hi liya…



Aditya -- sab bahar gaye hain kya Maya ?

mera ishara ghar waalon ki taraf tha…


Maya-- hmm bhaya to hospital gaye hain…raat me hi wapas aatein hai…



Aditya-- aur baaki sab…


Maya-- aur koi nahi hai mera … sirf mera bhaiya aur mai…



Aditya-- ohh i am sorry Maya…

Maya ko sad karna mera maksad nahi tha par mere sath aisa hi hai… jo nahi karna hota hai wo pahle kar baithta hoon…mai apni jagah se uth kar Maya ke paas gaya… uske kande par pyar se haanth rakh kar sorry kaha to wo bhi emotional ho gayi…aur usne bhi mere haath ko tham liya par mai to uss makhmali chhuwan se mantra mugha ho gaya tha…



Maya-- its ohk Aadi… aadat padd gayi hai mujhe…bachpann se aise hi rahti hoon… abb to shakl bhi bhool gayi hoon unn logon ki…



Aditya-- phir to tum bhaiya ki shadi karwa do … bhabhi aa jayegi to tum akeli nahi rahogi…

Maya ke haaton ko haath me lekar maine use idea diya…



Maya-- shadi nahi karenge bhaiya kyu ki unhone dosti ki thi…

Maya ne behadd kadwaahat se kaha…


Aditya-- to kya hua ?



Maya--but unki dost ka koi aur dost jyada kareebi tha… to usne usse shadi karli aur bhaiya ko usse behtar koi mil nahi rahi hai…

Maya ki awaj me jaane kya tha jo mujhe samjh hi nahi aa raha tha…



Aditya-- mai samjha nahi…



Maya-- Aadi chhodo na yaar… chalo padhte hain… time spoil karne se kya fayeda…

Maya ne mera haath pakda aur apne kamre ki taraf lekar chal di… aur mai uske peechhe ho liya tha… mujhe ahsas hi nahi ho paya tha ki kis tarah wo mujhpe hawi hone lagi thi… shayad yahi pyaar tha jo mujhe Maya se hone laga tha… wo bhi solid wala…