Update 2
ye teeno bachpan se hi sath rahte the… schooling bhi sath ki aur padosi bhi the… kul mila kar inn logon ka ek bhi pal ek doosre ke bina nahi beet ta tha…
--------------
Ground se teeno jaa pahunche cafeteria me… Aditya aur Ishan ki to khushi ki koi seema hi nahi thi … dono bechaini se apne DDM ke baaki Members ka wait karne lage jo abhi Anatomy class karne me busy the iss baat se poori tarah anjaan ki unka sapna sach hone wala hai… total 8 logon ki team thi unki …
Anushka bhi kafi khush thi par andar hi andar usko ek pareshani khaye jaa rahi thi… aur iss pareshan ki vajah the uske bade bhaiya Aayush singh jo kafi gussail bande the aur anushka ke mamle me to behadd touchy bhi…unko to Anushka ki inn outings se bhi aitraaj tha par chunki Anushka thahri apne " papa ki pari beti " to thodi aajadi mili huyi thi…warna bhaiya ka wash chale to clg se ghar aur ghar se clg bas…
Ishan aur Aditya ke sath aisi koi problem nahi thi kyu ki Ishan eklauta tha… paise ki to koi dikkat thi nahi aur dadi ka ladla bhi tha…dikhne me Model se kam nahi tha to wahi Aaditya bada tha…chhote bhai par hukum chalate chalate wo hitlar hi bann gaya tha… gussa to naak par hi dera jamaye rahta tha… Khair badhaaaiyon ka to jaise tanta sa lag gaya tha…Aditya ne baaton hi baaton me Anushka se kaha…
Aditya-- Anu tu to chha jayegi naa… tere talwaar wali thenth Rajput family me tu pahli rockstar hogi mere khayal se…
Aadi ne Anushka ki chutki li kyu ki wo log wakai me bilkul Rajputana andaj me rahte the…
Anushka-- Aadi tujhe mai jinda achhi nahi lagti hoon kya…
Anu ki awaaj me thahraaw tha jisse uske mood ka bilkul pata nahi chal raha tha…
Aditya-- matlab…
Anushka-- Aadi tum jante ho na ye rockstar wali baat sun kar bhaiya mera gala daba denge…
Anu ki baat poori bhi nahi huyi thi ki cafeteria me bhoochal aa gaya…
Aditya-- yaar tere bhaiya ki to mai… yaar tu teri bhabhi se baat kar naa ki unko abb sudhar hi dein … tere papa mammi se baat kar… kuchh to kar yaar…iss wakt DDM ko teri jarurat hai to tu ye " bhaya puraan " lekar baith gayi…mood spoil kar ke rakh diya …
Anushka--Aadi ham ladkiyon ki life tum ladkon se alag hoti hai …kitni bhi modern aur advance family se kyu naa ho ye music band me kaam karna sweekar nahi karenge gharwaale…
Aditya-- yaar Anu kitni chhoti baat kar di tune…ek taraf jahan jamana chand par pahunch gaya hai to tu ye ladki ladke me antar wali dakiyanoos baatein kar rahi hai…
Anushka-- Aadi bhale hi jamana chand par pahunch gaya ho par meri family abhi bhi earth par hi hai…so i dont think ki wo log mujhe stage par singing karne denge…
itna kah kar Anushka khud ko nahi rok payi aur rone lagi… Aadi aur Anu ki baat ko badhta dekh Ishan beech me kood pada…
Ishan-- Yaar Aadi kya galat bol rahi hai wo… aur use thoda wakt to de ki aaj hi tu sab kah dalega… kitni khushh thi wo … rula diya use …
Aditya-- abe chup kar tu… jab dekho tabb iski hi side leta rahta hai aur ye rotdu roti rahti hai… jab ise hamara sath chhodna hi tha to yahan tak bhi kyu aayi…ek mahine se bhi kam time bacha hai…kahan se layenge doosri singer…
Ishan-- Aadi teri baat ko mai samjh raha hoon… mai to bas itna kah raha hoon ki usko bhi to samjh yaar… sab badhiya hoga… sochte hain naa…Kiran ko aane de usse bhi poonchhte hain … may be wo kuchh jugaad nikale…
Aditya-- jo bhi ho Anushka DDM ka good luck hai… Anu ke bina mai nahi kuchh karne wala…
abb mahaul senti ho gaya tha…
Anushka-- Aadi tu pagal hai yaar… maine ye nahi kaha hai ki mai DDM me nahi hoon balki mai to back stage rahne ki baat kar rahi hoon buddhu… sari taiyariyan , tum logon ki dresses still meri hi marji se hongi doston…chill yaar…
Anushka ki baat sun kar Aadi ek baar phir khushi se koodne laga… aur teeno ne ek baar phir ek doosre ka haath pakad kar DDM banne ki khushi manani shuru kar di… unki inn khushiyon ki gawaah do jodi aankhein bhi thi jo bade gaur se inn logon ki baat sunn rahi thi…